"Real" futbolchisini ijaraga beradi

"Real" klubining yosh himoyachisi Viktor Chust yangi mavsumni "Kadis" safida boshlaydigan bo‘ldi.

Marca nashri muxbiri Karlo Karpioning ma’lum qilishicha, "Kadis" Chustni keyinchalik sotib olish huquqisiz bir yilga ijaraga oladi.

Shu tariqa, Xesus Valexo yangi mavsumda ham “Real”da qoladigan bo‘ldi.

Chust o‘tgan mavsum “Real”ning ikkinchi jamoasi - "Kastilya"da o‘tkazgan. U “Real” safida Ispaniya kubogida debyut qilgandi.