"Real"ga bormayman! Zaifroq bo'lsa ham "Tottenxem" ma'qul

«Вест Хэм» ярим ҳимоячиси Матеуш Фернандеш ўз келажаги борасида қарор қабул қилди.

Diario AS нашри хабар беришича, португалиялик футболчи «Реал» сафига ўтмайди. Шу билан Мадрид клубига эҳтимолий трансфер ҳақидаги гап-сўзларга нуқта қўйилди. «Қироллик клуби»нинг жиддий қизиқишига қарамай, Фернандеш  «Тоттенхэм» таркибига ўтишни маъқул кўрган. 

Лондоннинг яна бир клуби ҳам уни ўз сафига қўшиб олишга тайёр экани айтилмоқда.

Матеуш Фернандеш 2025 йили «Саутгемптон»дан «Вест Хэм»га 44 миллион евро эвазига ўтган эди. Унинг лондонликлар билан тузган шартномаси 2030 йил 30 июнига қадар амал қилади. 2025/26 йилги мавсумда португалиялик ярим ҳимоячи «болғаурарлар» сафида барча мусобақаларда жами 42 ўйин ўтказиб, 5 та гол урди ва 5 та голли узатма амалга оширди. Transfermarkt портали футболчининг бозор қийматини 50 миллион евро атрофида баҳоламоқда.