"Real" Mbappe uchun 1 milliard sarflashga tayyor

Madridning "Real" klubi hali ham Kilian Mbappeni sotib olish niyatida.

"La Gazzetta dello Sport" nashrining xabar berishicha, "qaymoqranglilar" katta xarajatlarga qaramay, transferni amalga oshirishga tayyor. Transferning umumiy qiymati sotib olish harajatlari, futbolchining maoshi va bonuslar bilan 1 milliard evroga etishi mumkin.

Eslatib o‘tamiz, 24 yoshli forvard  Frantsiya terma jamoasi bilan jahon chempionatining  kumush medali sohibiga aylandi va u 8 ta gol urib, mundial to‘puariga aylandi. Joriy mavsumda Frantsiya chempionatida  14 uchrashuvda maydonga tushib, 12 ta gol va 2 ta golli uzatmani amalga oshirdi.