"Real" "Santyago Bernabeu"dan foydalanmaydi

Madridning "Real" klubi La Liganing joriy mavsumining qolgan uchrashuvlarini "Santyago Bernabeu"da o‘tkazmaydigan bo‘ldi.

Klub prezidenti Florentino Peres uy uchrashuvlarini mashg‘ulotlar maydonida davom ettirishi haqida aytib o‘tdi.

"Biz qolgan uchrashuvlarni "Alfredo Di Stefano" arenasida o‘tkazishga qaror qildik. Bu klubga "Santyago Bernabeu" ustida yaxshiroq ishlash imkonini beradi", - deydi amaldor.

"Alfredo Di Stefano" stadioni 2006 yilda foydalanishga topshirilgan va u 6 ming muxlisni bag‘riga sig‘dira oladi.