"Real" yana Ikardiga qiziqib qoldi

Madridning "Real" klubi qishki transfer vaqtida "Galatasaroy" hujumchisi Mauro Ikardini o‘z safiga qo‘shib olmoqchi. Bu haqda "Mundo Deportivo" nashri xabar tarqatdi.

Manbaning ma’lum qilishicha, madridliklar jarohat olib safdan chiqqan Vinisius o‘rniga futbolchi olib kelishni rejalashtirmoqda. Vini kamida 2 oydan so‘ng safga qaytishi haqida xabar berilgandi.

Eslatib o‘tamiz, Mauro Ikarda turk klubi safida joriy mavsum 20 ta o‘yinda maydonga tushib, o‘z hisobiga 15ta gol va 3 ta assist yozdirib qo‘ygan. "Qirollik klubi" bir necha yil avval ham Ikardiga qiziqish bildirgan, ammo transfer amalga oshmagan edi.