Rodri Messi va Ronalduga tenglasha oladigan futbolchi ismini aytdi

"Manchester Siti" yarim himoyachisi Rodri o‘z jamoadoshi Erling Xolandni dunyodagi eng samarali futbolchi deb atadi.

- Raqamlar bo‘yicha hozirda dunyoning eng samarali futbolchisi Xoland. Bundan tashqari, u juda yosh va ko‘p yillar davomida shunday bo‘lib qoladi.

Men uni Krishtianu va Messining yutuqlariga yaqinlasha oladigan yagona futbolchi deb ayta olaman, - dedi "Oltin to‘p" sovrindori.

Ma’lumot uchun, joriy mavsumda 24 yoshli forvard APLda 11 ta o‘yin o‘tkazib, 12 ta gol urishga muvaffaq bo‘ldi.