"Roma"ni mag‘lubiyatdan qutqarib qolgan Shomurodovning o‘yini qanday baholandi?

Bir necha daqiqa oldin Italiya A Seriyasining 31-turidan o‘rin olgan bahs o‘z nihoyasiga etdi. Ushbu turda "Roma" o‘z uyida Turinning "Yuventus" klubini qabul qilib, 1:1 hisobidagi durangga imzo chekdi. Rimliklarning yagona golini hamyurtimiz Eldor Shomurodov o‘z hisobiga yozdirib qo‘ydi. 
 
Milliy terma jamoamiz sardori ikkinchi bo‘limning avvalida Mats Xummels o‘rniga maydonga tushib, hisobni tenglashtirgan edi. 
 
Uning bugungi o‘yindagi harakatlarini bir nechta mashhur portallar turlicha baholadi! 
 
Sofascore hamyurtimizning turinliklarga qarshi bahsini 7.2 ballga loyiq ko‘rgan bo‘lsa, Fotmob portali ]futbolchimizga 7.3 ball qo‘ydi. Bundan tashqari, Flashscore nashri esa  hujumchimizni 7.4 deb baholadi.

Eslatib o‘tamiz, "Roma" navbatdagi uchrashuvini "Latsio"ga qarshi o‘tkazadi. Ushbu bellashuv esa 13 aprel kuni Toshkent vaqti bilan 23:45 da start oladi.