Ronaldu qattiq afsusda!

Niderlandiya futbolining yaqin o‘tmishdagi yulduzlaridan Ruud Gullit portugaliyalik to‘purar Krishtianu Ronalduning “Manchester Yunayted”ga qaytishi unga nadomat keltirganini aytdi.

- Ronaldu “Manchester Yunayted”ga qaytganidan qattiq afsusda, deb o‘ylayman. Krishtianuning o‘zi  ochiq aytmayotgan bo‘lsa-da, u Manchesterga o‘tmishdagi yorqin xotiralar sababli kelgandi. Ronaldu hammasi yaxshi bo‘lishini kutgandi.

Krishtianu barcha tanqidchilarning ovozini o‘chirib qo‘yishni istaydi. U mana shu ishni uddalamoqchi, - dedi Ruud Gullit.

Ronaldu o‘tgan yili yozda “Yuventus”dan “Manchester Yunayted”ga ko‘chib o‘tganida ikki yillik shartnoma tuzgan edi. Manchesterliklar Chempionlar ligasiga chiqa olmagani uchun portugaliyalik to‘purar jamoadan ketish istagini bildirgan.