Ronaldu: “Real” bu mavsum yomon o‘ynayotgan bo‘lsa ham “Barselona”dan oldinda”

“Real Madrid”ning sobiq futbolchisi hozirda “An-Nasr” klubida to‘p tepayotgan Krishtianu Ronaldu “qirollik klubi” va Saudiya Pro-ligasi haqida gapirdi. 
 
“Menga ko‘plab odamlar joriy mavsum “qaymoqranglilar” juda yomon o‘yin o‘tkazayotganini aytishdi. Biroq, biz turnir jadvaliga qarasak “Real” “Barsa”dan yuqorida ekanligini ko‘rishimiz mumkin. 
 
Saudiya Pro-ligasi haqida gapiradigan bo‘lsam, bu chempionat Liga 1 dan kuchli. Qolgan klublarga xurmat saqlagan holda aytaman, Frantsiyada faqatgina PSJ klubi bor xolos. Agarda gapimga qo‘shilmasangiz 38, 39 va 40 gradusda futbol o‘ynab ko‘rishingizni tavsiya beraman” – deya ta’rif berib o‘tdi portugliyalik hujumchi. 
 
Ma’lumot o‘rnida, 39 yoshli forvard madridliklar safida 438 ta uchrashuvda ishtirok etib, 450 ta gol va 131 ta golli uzatmaga mualliflik qilgan.