RPLning to‘purar xavbeki "Roma"ga o‘tishi mumkin

"Lokomotiv Moskva" klubi yarim himoyachisi Aleksey Miranchuk faoliyatini Italiya chempionatida davom ettirishi mumkin.

Taniqli italiyalik agent Gabriele Juffrida xavbek xizmatlarini "Roma"ga taklif qilgan. Italiya matbuoti oldinroq, futbolchining "Milan"ga transferi amalga oshmay qolgani haqida xabar bergan edi.

RPLning o‘tgan mavsumida yarim himoyachi moskvaliklar safida 27 ta o‘yinda maydonga tushib, 12 ta gol muallifi bo‘ldi.