Shahram G‘iyosov Talsa shahridagi so‘ngi bosqich mashg‘ulotlarini boshladi

Rio Olimpiadasi sovrindori, jahon chempioni Shahram G‘iyosov professional yo‘nalishda navbatdagi jangini 15 avgustda ( Toshkent vaqti bilan 16 avgust kuni tongda) o‘tkazishidan xabaringiz bor. Mazkur sanaga ham 6 kun qoldi. Kuni kecha, Shahram G‘iyosov hamda Isroil Madrimov jang kechasi o‘tkaziladigan AQShning Oklaxoma shtati, Talsa shahriga etib borganlarini ma’lum qilgan edi. G‘iyosov tezlik bilan u erdagi mashg‘ulotlarini boshladi. Quyida, uning jangga tayyorgarlik jarayonidan videolavhani tomosha qilishingiz mumkin.