Shaxmat bo‘yicha Qarshi ochiq Xalqaro turnirida 4 ta tur ortda qoldi (foto)

"A" guruhida 4 ta turdan so‘ng, rossiyalik Xalqaro grossmeyster Vasiliy Papin 3,5 ochko bilan oldinda bormoqda.

Hamyurtlarimiz Nodirbek Abdusattorov va Javohir Sindorov hisobida 3 ta ochko bor. Murtas Kojgaleev (Qozog‘iston), Vitaliy Teterev (Belarus), Jo‘rabek Hamroqulov (O‘zbekiston), Rustam Husnutdinov (Qozog‘iston), vakillarimiz Nodirbek Yoqubboev, Tohir Vohidov, Shamsiddin Vohidov, Nikita Xoroshevlar ham shuncha ochko jamg‘arishgan.

G‘oliblik sari intilayotgan 4 ta stoldagi o‘yin onlayn tarzda yoritilayotganini e’tirof etish o‘rinlidir.

Reyting darajasi 1900 dan kam bo‘lganlar ishtirok etayotgan "B" guruhida ham o‘yin qizg‘in tus olgan. 300 nafar shaxmatchidan 10 nafari 4 ta imkoniyatdan 4 ta ochko olganini ta’kidlash joiz. Hamyurtlarimiz Gulxayo Narziqulova, Xolida Nomozova, Jasur Mamayusupov, Doniyor Safarov, Islombek Sindorov, Rustam Saydaliev, Ali Qosimov, Mirjahon Raximov, Dilmurod Jabborberganov, Tolib Ostonovlar shular jumlasidandir.

Musobaqa davom etmoqda.