“Sherlar” “Chelsi” futbolchisini “eb qo‘ymoqchi”

 “Chelsi” rahbariyati ijara asosida “Aston Villa” sharafini himoya qilayotgan Ross Barklini to‘lig‘icha ularga transfer qilishga rozi bo‘ldi.

“Sherlar”ni boshqarayotgan Din Smit Barklining o‘yinidan mamnun bo‘lmoqda va u doimiy ravishda “Aston Villa” uchun o‘ynashini istamoqda.

“Aristokratlar” rahbariyati ham Barklining “sherlar” orasida qolishiga qarshi emas. Buning uchun ular londonliklarga 40 million funt miqdorida pul to‘lashi kerak bo‘ladi. Joriy mavsumda Barkli premer-ligada 14 ta o‘yin o‘tkazib, uchta gol urdi va bitta golli pas berdi.