Shevchenko: Gattuzo “Milan”ga avvalgi yuzini qaytardi

“Milan” klubining sobiq hujumchisi, Ukraina terma jamoasi bosh murabbiyi Andrey Shevchenko milanliklarning bosh murabbiyi Jennaro Gattuzo haqida iliq fikrlar bildirdi.

“Gattuzo “Milan”ga avvalgi yuzini va aslini qaytardi. U futbolchilarni doim kurashga tayyor turishini va agressiv bo‘lishini so‘ramoqda. U maydonda raqiblarga millimetr bo‘sh joyni bermaydigan futbolchi edi.

Jennaro hech narsadan qo‘rqmaydi, shuning uchun uning olib borayotgan ishidan hayron emasman. Unga berilgan imkoniyatdan foydalandi. Umid qilamanki, mavsum yakunida u “Milan”ni evrokuboklarga olib chiqadi”, – dedi Shevchenko.

Gattuzo va Shevchenko 1999–2006 yillar davomida “Milan” jamoasida birgalikda to‘p surgan.