Shomurodov "Milan"ga qarshi muhim uchrashuvda qanday ko‘rsatkichlar qayd etdi?

Xabaringiz bor, Italiya A Seriyasining 37-turidan o‘rin olgan bahsda "Roma" "Milan" bilan to‘qnash kelib, 3:1 hisobida g‘alaba qozondi. Ushbu bellashuvni milliy terma jamoamiz sardori hisoblangan Eldor Shomurodov dastlabki daqiqalardanoq maydonga tushib, 84 daqiqa harakat qildi.
  
Hamyurtimizning bo‘lib o‘tgan uchrashuvda qayd etgan statistikasi bilan batafsil tanishing: 
  
Daqiqa - 84 
Darvozaga yo‘llangan aniq zarbalar - 0 
Dribling urinishlari – 1/3 
To‘pga teginishlar soni - 17 
Uzatmalar aniqligi - 6/8 (75%) 
Keskin uzatmalar - 1 
Uzoq masofaga uzatmalar – 1/1 (100%) 
Yakkakurashlar – 1/1 
Qoida buzarliklari – 0 
Unga nisbatan qoida buzilishi – 2 
To‘pni tortib olish – 2 
XG - 0.01 


 
Eslatib o‘tamiz, hozirda rimliklar 66 ochko bilan 5-o‘rinda bormoqda. Turinliklar esa 1 ochko ko‘p to‘plagan holda, kuchli to‘rtlikni yakunlab turibdi. "Roma" so‘nggi turda "Torino" bilan kuch sinashsa, "Yuventus" "Venetsiya"ga qarshi maydonga tushadi.