Shomurodovning sobiq jamoasiga qarshi o‘yini qanday baholandi?
Italiya chempionatining 21-turini “Roma” va “Jenoa” uchrashuvi ochib berdi. “Olimpiko” stadionidagi uchrashuv mezbonlarning 3:1 hisobidagi g‘alabasi bilan yakunlandi.
“Roma” A Seriyaning joriy mavsumidagi ettinchi g‘alabasini nishonladi. Bellashuvda Eldor Shomurodov 85-daqiqada maydonga tushirildi.
Rim klubi faoliyatini yoritib kelayotgan laroma24.it sayti ekspertlari poytaxt “bo‘rilari”ning o‘yinini quyidagicha baholadi.
Mile SVILAR 6:
Barqaror o‘ynadi. Raqib futbolchisi Patritsio Mazini gol urgan vaziyatda zarba o‘ta kuchli chiqdi va uni qaytarish imkoni bo‘lmadi.
Janluka MANChINI 6:
Tajribali himoyachi ancha xotirjam o‘ynadi, lekin ayrim vaziyatlarda raqibga qarshilik qilishga kech qoldi.
Mats XAMMELЬS 6:
Nemis futbolchisi uchrashuvda yaxshi o‘ynadi, biroq 76-daqiqada Kluadio Raneri uni zaxiraga olib, Pizillini tushirdi va taktikani o‘zgartirdi.
Nikolo PIZILLI 6:
Hujumni kuchaytira oldi, bir vaziyatda o‘zi ham darvozani ishg‘ol qilishi mumkin edi. Lekin yosh hujumkor futbolchi imkoniyatni boy berdi.
Evan NDIKA 6,5:
Dastlab uch himoyachi orasida eng zo‘ri bo‘ldi. Keyin Raneri to‘rt himoyachi bilan o‘ynashga qaror qilganida ham o‘zini ko‘rsatib turdi.
Aleksis SALEMAKERS 6:
Bu gal Aleksis porlagani yo‘q, charchab qolgani sezildi. Bir marta Pellegrinini qulay vaziyatga chiqardi.
Manu KONE 6:
Tinim bilmas yarim himoyachi bu gal ham faol o‘yin ko‘rsatdi va rimliklarning raqib o‘z darvozasini ishg‘ol qilib qo‘ygan uchinchi golida ishtirok edi.
Leandro PAREDES 6:
Birinchi bo‘limni juda bo‘sh o‘tkazdi, raqib hisobni tenglashtirishida uning ham aybi bo‘ldi. Keyin ancha faollashdi.
ANJELINO 6,5:
Bu futbolchi hujum qilishda birorta xatoga yo‘l qo‘ygani yo‘q. Raqibni ta’qib qilishda ham sovuqqonlik bilan harakat qildi.
Paulo DIBALA 7:
Argentinalik yulduz gol urmagan bo‘lsa-da, maydonda eng zo‘ri bo‘ldi. U jamoadoshlarini g‘alaba sari etakladi deyish mumkin.
Matias SULE 6:
Dibala o‘rniga maydonga tushib, bir necha daqiqa o‘ynaganiga qaramay, o‘zini ko‘rsatishga harakat qildi.
Lorentso PELLEGRINI 5.5:
Bahsni yaxshi boshladi. Artyom Dovbikning golida ishtirok etdi. Lekin “Roma” darvozasi aynan uning aybi bilan ishg‘ol qilindi. Tanaffusda o‘rnini El-Shaaraviga bo‘shatib berdi.
Stefan EL-ShAARAVI 7:
Ikkinchi bo‘limni to‘liq o‘tkazgan Stefan juda faol o‘ynadi va gol urib jamoasini hisobda oldinga olib chiqdi
Artyom DOVBIK 6:
Bitta vaziyatga ega bo‘ldi va undan unumli foydalandi. Umumiy o‘yini yaxshi chiqmadi. O‘rnini Shomurodovga bo‘shatib berdi.
Eldor ShOMURODOV 6:
85-daqiqada maydonga tushgan o‘zbek futbolchisi jamoasining so‘nggi daqiqalardagi hujumlarida faol ishtirok etdi. Biroq samarali harakatlarni amalga oshirishga vaqt etmadi.
Kluadio RANЬERI 6,5:
“Roma” g‘alaba qozondi. Raneri uchrashuv davomida g‘alabani ta’minlash uchun o‘yinchi tanlash qobiliyatini yana bir bor namoyish qildi. Rim klubi nega aynan bu mutaxassisga ishonch bildirgani tobora oydinlashib bormoqda.
Fikrlar