“Siti”: De Bryuyne o‘rniga boshqasi!

“Manchester Siti”da sardorlik bog‘ichi David Silva ketganidan keyin braziliyalik Fernandinoga o‘tgan. Yaqingacha braziliyalik yarim himoyachi maydonga tushmagan uchrashuvlarda uning vazifasini Kevin de Bryuyne bajarib kelayotgan edi. Biroq, endi belgiyalik futbolchi sardorning o‘rinbosari hisoblanmaydi.

Ma’lumotlarga qaraganda, “Manchester Siti” futbolchilari ovoz berish yo‘li bilan o‘zlariga yangi sardor o‘rinbosarini saylagan. Unga ko‘ra, bundan buyon bu vazifani Ilkay Gyundog‘an bajaradigan bo‘ldi.

30 yoshli futbolchi 2016 yildan beri “shaharliklar” safida to‘p tepmoqda va jamoa ichida hurmat qozona olgan.