"So'g'diyona" serbiyalik hujumchini e'lon qildi

Yangi mavsum oldidan yuksak maqsadlar sari dadil qadam tashlayotgan “So‘gdiyona” jamoasi tarkibni kuchaytirishda davom etmoqda.

Klub matbuot xizmatining yozishicha, bugun serbiyalik tajribali hujumchi Feysal Mulich bilan shartnoma imzolandi. Tomonlar o‘rtasidagi kelishuv 2026 yil yakuniga qadar amal qiladi.

Tajribali legioner haqida:
Feysal Mulich faoliyati davomida bir qator nufuzli Yevropa va Osiyo klublarida to‘p surgan.

Jumladan: "Myunxen 1860", "Royal Mouscron", "Hapoel Achre", "Hapoel Tel-Aviv", "Bnei Yehuda", "Mura", "Veles Mostar", "Seongnam", "Suvon Blyungiz", "Yelimay" va "Buriram Yunayted" jamoalari safida o‘ynagan.