Suares: "Tanqid meni hech qachon sindira olmagan"

"Inter Mayami" hujumchisi Luis Suares faoliyati davomida tanqidlar bilan qanday kurashgani haqida gapirdi. Uning ta’kidlashicha, butun karerasida uni oldinga etaklagan asosiy jihat — matonat va oxirigacha kurasha olishdir.

Suaresdan: "Sizni eng ko‘p tavsiflaydigan jihat nima? Qaerga etib kelgan bo‘lsangiz, sizga nimalar yordam bergan?" — deb so‘rashganda, u shunday javob berdi:

"Juda ko‘p hollarda men bardoshlilik va qattiq kurashishning namunasi bo‘la olaman deb o‘ylayman. Lekin boshqa jihatlarda men namuna emasman — buni o‘zim ham bilaman, tushunaman va qabul qilaman. Men har doim tanqid bilan kurashib kelganman. 18 yoshimda "Nasonal"da debyut qilganimdayoq meni gol o‘tkazib yuborgan vaziyatlar uchun tanqid qilishgan. Shunda men tanqid varag‘ini yopib qo‘yishga harakat qilganman".

Futbolchining aytishicha, tanqid unga har doim hamroh bo‘lgan:

"Niderlandiyaga ketganimda meni semiz deb atashdi, “Ayaks”da ham xuddi shunday deyishdi. “Liverpul”da meni intizomsizlikda ayblashdi. Keyin “Barselona”dagi qiyin davrlarimda ham tanqidlar davom etdi. Kareramning har bir bosqichida men doim bir xil narsa bilan kurashdim".

Suares tanqid uni sindirmaganini, aksincha, yanada kuchli qilganini ta’kidladi:

"Ehtimol, bunday bosim ostida o‘zimni yaxshi his qilgandirman, lekin bu men istagan narsa emas. Tanqid meni qattiq chiniqtirdi — ular hech qachon meni erga ura olmagan. Men tanqidlardan azob chekyapman deb ko‘rsatmaganman. Tanqid doim e’tibor tortadi, ular siz bosh egib yurishingizni xohlashadi. Men esa har doim bu jihatda kuchli bo‘lishga intilib kelganman".