Superliga. "Navbahor" Toshkentda "Surxon"ni ishonchli hisobda mag‘lub etdi
Superliganing 7-turidan o‘rin olgan ilk uchrashuv o‘z nihoyasiga yetdi.
Temur Kapadze boshqaruvidagi "Navbahor" "Surxon" bilan kuch sinashib, 2:0 hisobida mag‘lubiyatga uchratdi va navbatdagi muhim 3 ochkosini qo‘lga kiritdi.
"Surxon" uchrashuvning dastlabki 15 daqiqasida faol harakat qildi. Keyinchalik namanganliklar bir necha hujum uyushtirib, 26-daqiqada hisobni ochishga muvaffaq bo‘ldi. Gol muallifi - Aleks Fernandes.
79-daqiqaga kelib "Navbahor" oradagi farqni 2 taga yetkazdi. Ruslanbek Jiyanovning uzatmasidan so‘ng Vanya Ilich o‘z nomini tabloda yozdirib qo‘ydi.
Eslatib o‘tamiz, "lochinlar" ushbu bellashuvdan so‘ng ochkolar sonini 15 taga yetkazib olib, 3-oringa ko‘tarildi. "Surxon" esa 8 ochko bilan 9-oringa qoldi.
- O'zbekiston - Superliga
- Joriy Mavsum
Navbahor
- Alex Fernandez 26'
- Vanja Ilić 78'
12.04.2026 16:00
Fikrlar