Tezkor: Fayzullaev Jud Bellingem bilan birga jahonning eng zo‘r yosh o‘yinchisi sovriniga da’vogar!

Xalqaro futbol tarixi va statistikasi federatsiyasi – IFFHS 2023 yilning turli nominatsiyalari bo‘yicha g‘oliblikka da’vogarlar ro‘yxatini e’lon qildi.

Bu tashkilot 1987 yildan beri butun dunyo bo‘ylab yilning eng yaxshi futbolchisini aniqlash maqsadida so‘rovnoma tashkil qilib keladi.

Ushbu so‘rovnomalarda  120 mamlakatning IFFHS tashkilotiga a’zo bo‘lgan jurnalistlari va futbol ekspertlari qatnashadi.

IFFHS o‘z talqini bo‘yicha 20 yoshgacha bo‘lgan futbolchilar orasida “2023 yilning eng yaxshi yosh futbolchisi” nominatsiyasi bo‘yicha g‘oliblikka da’vogar bo‘lgan 26 nafar o‘yinchi ro‘yxatini e’lon qildi.

Unga ko‘ra, Abbosbek Fayzullaev ushbu nufuzli individual sovringa da’vogarlik qiladi.

Umumiy ro‘yxat quyidagicha:

Jud Bellingxem,  Angliya,  Borussiya Dortmund/Real Madrid 

Jamol Musiala, Germaniya, Bavariya Myunxen                                             

Gavi, Ispaniya, Barselona                                                     

Florian Virtts , Germaniya, Bayer Leverkuzen                                              

Xavi Simons,   Niderlandiya  PSV/RB Leyptsig                                           

Evan Fergyuson, Irlandiya Respublikasi,  Brayton                              

Rasmus Xoylund,  Daniya, Atalanta/Manchester Yunayted                        

Lamin Yamal, Ispaniya, Barselona                                                     

Uorren Zair-Emeri,  Frantsiya, Pari Sen-Jermen                                     

Matis Tel, Frantsiya, Bavariya Myunxen                                             

Alexandro Balde, Ispaniya, Barselona                                                     

Romeo Laviya, Belgiya, Sautgempton/ Chelsi                                   

Antoniu Silva, Portugaliya, Benfika                                                          

Levi Kolvil, Angliya,  Brayton

Benjamin Sheshko, Sloveniya, Rel Bull Zaltsburg/RB Leyptsig                                                                          

Vitor Roke , Braziliya, Atletiko Paranaense                                                     

Alexandro Garnacho, Argentina, Manchester Yunayted                                       

Endrik, Braziliya, Palmeyras                                                      

Xulio Ensizo, Paragvay,  Brayton

Savio, Braziliya,  PSV/Jirona                                                   

Rikardo Pepi, AQSh, Groningen/PSV                                            

Usmon Diomand, Fil suyagi qirg‘og‘i, Sporting Lissabon                                             

Karlos Baleba, Kamerun, Lill/Brayton

Ernest Nuama,  Gana, Nordshelland/Lion                                       

Karim Konate, Fil suyagi qirg‘og‘i,  Lifering/ Red Bull Zaltsburg

Abbosbek Fayzullaev, O‘zbekiston, Paxtakor/TsSKA Moskva    

Ko‘rinib turibdiki, bu ro‘yxatdan Jud Bellingem, Jamol Musiala,Gavi, Lamin Yamal, Uorron Zair-Emeri,  Alexandro Balde, Evan Fergyuson, Ras us Xoylund kabi Evropaning grand klublarida to‘p tepayotgan yulduz o‘yinchilar ko‘p.

Abbosbek Fayzullaev eng zo‘r yosh futbolchilar ro‘yxatiga kiritilgan yagona osiyolik futbotbolchi hisoblanadi.

20 yoshli futbolchimizning bu reytingdan o‘rin olishi bejiz emas, albatta. Fayzullaev 2023 yil davomida 20 yoshgacha bo‘lgan futbolchilar ishtirokida Toshkentda o‘tkazilgan Osiyo chempionatida g‘olib chiqdi va bu turnirning eng yaxshi o‘yinchisi bo‘ldi.

Bundan tashqari, terma jamoamiz Argentinada tashkil etilgan yoshlar o‘rtasidagi jahon chempionatida ham muvaffaqiyatli qatnashdi va Fayzullaev jamoamizning etakchi o‘yinchisi sifatida o‘z mahoratini namoyish qildi.

Nominatsiya g‘oliblari 2024 yilning 1 yanvar kuni aniqlanadi