"Tottenxem" hamshaharidan futbolchi sotib oladi

Londonning "Tottenxem" klubi o‘z safini hamshahari "Fulxem" yarim himoyachisi Rayan Sessenon bilan kuchaytirmoqchi.

The Telegraph nashri tarqatgan xabarga ko‘ra “shporlar” 19 yoshli futbolchining transferi bo‘yicha kelishuvga erishishgan. Unga ko‘ra “Tottenxem” Sessenon uchun hamshahariga 22 mln evro to‘lashadi.

Ma’lumot uchun, Sessenon o‘tgan mavsum APLda 35ta o‘yinda maydonga tushdi va 2ta gol hamda 6ta golli uzatma yozdirib qo‘yishga erishdi.