Totti "Roma"ga qaytishi mumkin

“Roma” afsonasi Franchesko Totti “bo‘rilar” ma’muriyatida ish boshlashi mumkin. Bu haqda Calciomercato xabar tarqatmoqda.

Yuqoridagi manbaga ko‘ra, klub AQShlik biznesmen Den Fridkin qo‘liga o‘tgach, Tottining yana jamoaga qaytish ehtimoli paydo bo‘ldi. Tomonlar ayni damda bu boradagi muzokaralarni faol olib borishmoqda.

Franchesko rimliklar safida texnik direktor lavozimida ishlashni rejalashtirmoqda. Shundan so‘ng u klub vitse-prezidenti lavozimigacha ko‘tarilishni ko‘zlagan. Ular o‘rtasidagi kelishuv shu oyning oxirigacha imzolanadi. Oktyabr oyida "Roma" ning hozirgi direktorlar kengashi o‘z joyini tark etadi.