"Turon"ga Germaniyada ishlagan murabbiy keldi

Xabaringiz bor, avvalroq "Turon" klubida evropalik mutaxassis ish boshlashi haqida ma’lumot bergandik.

Kutilgan mutaxassis Vadim Barnich bilan bugun rasman shartnoma imzolandi va u yaypanliklar safida jismoniy tayyorgarlik bo‘yicha murabbiy lavozimida ishlashi kelishib olindi.

Asli kelib chiqishi Latviya davlatidan bo‘lgan mutaxassis bunga qadar 5 yil davomida Germaniyaning "Fortuna Dyusseldorf" klubi murabbiylar shtabida ishlagan.