Tuxel “Barsa” futbolchisini tortib olyapti

The Mirror nashrining xabar berishicha, “Chelsi” xo‘jayini Roman Abramovich va bosh murabbiy Tomas Tuxel “Barselona” himoyachisi Ronald Arauxo bilan transfer borasida muzokara o‘tkazdi.

Ma’lumotlarga qaraganda, Abramovich urugvaylik markaziy himoyachiga misli ko‘rilmagan shartnoma berishni va’da qilgan. Tuxel esa Arauxoni asosiy tarkibda muntazam o‘ynatishga tayyor ekanini bildirdi.

“Aristokratlar” bu futbolchini Londonni tark etishga yaqin turgan Antonio Ryudigerga munosib o‘rinbosar bo‘lishini istayapti.

“Barselona” Arauxoni saqlab qolmoqchi, biroq tomonlarning muzokaralarida bir to‘xtamga kelinmadi. Kataloniyaliklar maosh borasida “Chelsi” bilan bahslasha olmaydi.