Vaskes "Real"dan ketadi

Madridning "Real" klubi forvardi Lukas Vaskes mavsumlar oralig‘ida jamoasini o‘zgartirmoqchi.

Sportsmole nashri tarqatgan xabarga qaraganda 27 yoshli ispaniyalik futbolchi allaqachon madridliklar safidan ketish borasida bir qarorga kelgan va ayni damda o‘ziga yangi jamoa qidirmoqda.

Ta’kidlash kerakki, Vaskesning “Real” bilan amaldagi shartnomasi 2021 yilga qadar imzolangan. “Qirollik klubi” esa uni 25 mln evroga baholamoqda.

Ma’lumot uchun, Lukas Vaskes yakunlangan mavsum “Real” safida 47ta o‘yinda ishtirok etdi va o‘z hisobiga 5ta gol hamda 4ta golli uzatma yozdirib qo‘yishga erishdi.