Yagona bronza medal! Kutilmagan natijalarga boy Dushanbe “Katta Dubulg‘a” turniri yakuniga etdi

Tojikiston poytaxti Dushanbe shahri uch kun davomida dzyudo bo‘yicha “Katta Dubulg‘a” turkumiga kiruvchi turnirga mezbonlik qildi. 

Mukofot jamg‘armasi 154 000 evroni tashkil qiluvchi ushbu musobaqada dunyoning 5 qit’asi, 65 davlatidan jami 390 nafar (204 erkak, 186 ayol) dzyudochi medallar hamda Parij-2024 Olimpiadasi yo‘lidagi qimmatli reyting ochkolari uchun tatamiga chiqdi. 

Uch kunlik bahslar yakuniga ko‘ra biroz kutilmaganda Shveytsariya terma jamoasi 2 ta oltin va 2 ta kumush medal bilan umumjamoa hisobida birinchi o‘rinni egalladi. Dushanbeda afsonaviy Teddi Riner shohsupaning eng yuqori pog‘onasiga ko‘tarildi. 

Avstriya 2 ta oltin, 1 ta kumush medal bilan ikkinchi o‘rinni band etgan bo‘lsa, italiyalik dzyudochilar 2 ta oltin, 1 ta bronza medali bilan kuchli uchlikka yakun yasashdi. Mezbonlar 1 ta oltin, 3 ta kumush, 3 ta bronza medali bilan 4-o‘rinni egallashdi. Top-10 talikdan Germaniya, Frantsiya, Mo‘g‘uliston, Yaponiya, Kanada va Turkmaniston terma jamoalari joy olishdi. O‘zbekiston terma jamoasiga yagona bronza medalini Muhammad Jumaev (-73 kg) taqdim etdi.     

Dushanbe “Katta Dubulg‘a” turnirining so‘nggi kun g‘olib va sovrindorlari:

-90 kg vazn toifasi
1. Mansur Lorsanov (AIN)
2. Devid Klammert (Chexiya)
3. Ju Yop Han (Koreya Respublikasi)
3. Muhammadjon Abdujalilzoda (Tojikiston)

-100 kg vazn toifasi
1. Jennaro Pirelli (Italiya)
2. Daniel Eyx (Shveytsariya)
3. Jafar Kostoev (BAA)
3. Jahongir Majidov (Tojikiston)

+100 kg vazn toifasi 
1. Teddi Riner (Frantsiya)
2. Temur Rahimov (Tojikiston)
3. Denis Batchaev (AIN)
3. Losseni Kone (Germaniya)

Ayollar 

-78 kg vazn toifasi
1. Anna-Mariya Vagner (Germaniya)
2. Alina Boem (Germaniya)
3. Emma Reyd (Buyuk Britaniya)
3. Bita Pakut-Klojko (Polsha)

+78 kg vazn toifasi
1. Asya Tavano (Italiya)
2. Kinga Volchjak (Polsha)
3. Ursula Hofmann (Polsha)
3. Hyon Ji Li (Koreya Respublikasi)