Yoshi "o‘qlangan" futbolchi sabab klubdan 33 ochko olib tashlanadi

Boliviyaning "Avrora" klubidan 33 ochko olib tashlandi. 

Boliviya futbol federatsiyasi tartib-intizom qo‘mitasi qanot hujumchisi Gabriel Montanoning shaxsiy ma’lumotlari va yoshi soxtalashtirilganligi munosabati bilan shunday qaror qabul qildi. Qayd etilishicha, futbolchining asl ismi Diego Montano bo‘lib, aslida u 20 yosh emas, balki 25 yoshda ekanligi aniqlangan. 

Futbolchi ikki yilga diskvalifikatsiya qilinadi. Klub rahbariyatiga, shuningdek, prezidentga ham sanktsiya qo‘yilgan. 

Ta’kidlanishicha, ochkolarning olib tashlanishi o‘tgan mavsum natijalarini o‘zgartirmaydi. Jamoa yangi turnirni shunchaki - 33 ochko bilan boshlaydi. 2025 yilgi mavsum aprel oyida boshlanishi rejalashtirilgan.