"Yuventus" murabbiysiz qolishi mumkin

Massimiliano Allegri "Yuventus"ni tark etishi kutilmoqda. Bu haqda "Corrierre dello Sport" nashri xabar tarqatdi.

Manbaning yozishicha, mutaxassis kelasi mavsum "keksa senoralar"ni Antonio Konte boshqarishi haqidagi xabarlar chiqqanidan norozi bo‘lmoqda. Italiyada tomonlar kelishuvga erishgani haqida tinimsiz yozishmoqda. 

Manbaning qo‘shimcha qilishicha, Allegri Saudiya Arabistonidan bo‘ladigan takliflarni ko‘rib chiqishga tayyor. Murabbiyning fikricha, "Yuventus" rahbariyati uning mehnatini qadrlamayapti.