"Yuventus" o‘rtoqlik uchrashuvida raqibi darvozasiga javobsiz 9 ta gol urdi

"Yuventus" o‘z qarorgohida "Pineroloni" klubiga qarshi nazorat uchrashuvi o‘tkazdi.

Ushbu bahsda A Seriya klubi D Seriya vakili darvozasiga javobsiz 9 ta gol urib g‘alaba qozondi. Uchrashuvda Moyze Kin xet-trik qayd etgan bo‘lsa, Denis Zakariya va Matias Soule dublga erishdi.

Shuningdek, “Yuventus”ning yangi a’zosi Anxel Di Mariya va yarim himoyachi Adrien Rabo o‘z hisobiga bittadan gol yozdirib qo‘ydi.
Jarohatlari tufayli futbolchilari Artur, Aaron Remzi va Federiko Keza ushbu uchrashuvda maydonga tushmadi.