"Yuventus" qatorasiga sakkizinchi bor Italiya chempioni bo‘ldi

Turindagi "Alyants-Stedium"da kechgan uchrashuvda mezbonlar 2:1 hisobida raqibdan ustun kelishdi. Dastavval 6-daqiqada Nikola Milenkovich hisobni ochdi. 37-daqiqada  Aleks Sandro muvozanatni tikladi.

53-daqiqada esa Jermen Pezzela kutilmaganda o‘z darvozasini ishg‘ol qilib qo‘ydi. Shu tariqa "keksa sinora" hisobidagi ochkolar soni 87 taga etdi va jamoa turnir jadvalida "Napoli"ni 20 ochkoga ortda qoldirgan holda 1-o‘rinni egalladi va muddatidan oldin Skudettoni qo‘lga kiritdi.

Qayd etish joiz, Massimiliano Allegri shogirdlari bunday natijani qatorasiga sakkizinchi mavsumda ham udallashdi.