"Yuventus" Ueston Makkenni bilan shartnomani uzaytirishga kelishib oldi

"Yuventus" va Ueston Makkenni shartnomani uzaytirish borasida kelishuvga erishdi.

Yangi bitim 2030 yilga qadar amal qiladi. "La Gazzetta dello Sport" xabariga ko‘ra, tomonlar shartnomani kelasi hafta boshida — "Roma"ga qarshi o‘yindan so‘ng imzolaydi.

Qayd etilishicha, amerikalik yarim himoyachining yillik maoshi taxminan 4 million evroni tashkil qiladi. Shuningdek, uning oyligi har mavsum sayin biroz oshirib boriladi.

Makkenni 2020 yildan buyon "Yuventus" safida to‘p surmoqda. Joriy mavsumda A Seriya doirasida u 25 ta uchrashuvda maydonga tushib, 4 ta gol va 4 ta golli uzatmaga mualliflik qildi.