"Боруссия" Дортмунд уругвайлик тўпурарни кўзламоқда

"Бенфика" ҳужумчиси Дарвин Нуньес фаолиятини Германия Бундеслигасида давом эттириши мумкин.

Record нашри тарқатган хабарга қараганда, 22 ёшли уругвайлик футболчининг хизматларига "Боруссия" Дортмунд жиддий қизиқиш билдира бошлаган. Футболчининг агенти Эдгардо Ласальвия аллақачон немис гранди раҳбарияти билан учрашган.

Нуньеснинг айни дамдаги трансфер нархи 20 миллион еврога баҳоланмоқда. У жорий мавсум "Бенфика" сафида 16 та ўйинда майдонга тушди ва ўз ҳисобига 11 та гол ҳамда 2 та голли узатма ёздириб қўйди.