Бу трансфер амалга ошса, Шомуродов асосий ҳужумчига айланади!

“Рома”даги дастлабки мавсумда тўпурарлик маҳоратини намойиш қилган Тэмми Абрахамнинг  харидори кўпайиб кетди. Рим клуби ёзда англиялик ҳужумчини сотиб юборишга тайёр эканини билдирди.

Football.London нашрининг хабар беришича, римликлар 24 ёшли футболчини 80 миллион еврога сотиб юборишни режалаштирмоқда. Аввалроқ, Англиянинг бир неча клубидан Абрахамга бўлган қизиқишни инобатга олган “Рома” мутасаддилари унга 100 миллион евро нарх белгилаганди. Шундан сўнг, Тэммига қизиқиш пасайди.

Энди “Рома” нархни сезиларли даражада пасайтирди. Ўтган ҳафта “Арсенал” Тэммини Лондонга қайтариш учун қарийб 60 миллион евро сарфлашга тайёрлигини маълум қилди.

Маълумотларга қараганда, “Манчестер Юнайтед” яна Тэмми Абрахам вариантига қайтган. Улар жамоа тўпаурари бўлиб турган Криштиану Роналду ўрнини айнан Тэмми Абрахам босиши мумкинлигига ишонмоқда. Қолаверса, “Манчестер Юнайтед” мутасаддилари ҳужумда Абрахам ва Жейдон Санчо тандемидан фойдаланишни режалаштирган. Ҳар икки ўйинчи Англия терма жамоаси вакиллари ҳисобланади.

Агар Абрахамнинг трансфери амалга ошса, Элдор Шомуродов “Рома”нинг асосий ҳужумчиларидан бирига айланади. Чунки Абрахам “Челси”дан олиб келунгунга қадар “бўрилар” ҳужумида асосий фигура легионеримиз эди.

Аслида Шомуродовга ҳам Испания, Италия ва Германия клубларидан чорловлар бор. Лекин ҳужумчи захирага ўтириб қолгани боис нархи сезиларли даражада пасайган. Элдорнинг трансфери учун 18 миллион евро сарфлаган “Рома” уни арзон нархга қўйиб юбормайди.

Тэмми Абрахамнинг вазияти бошқача. Римликлар уни 40 миллион еврога харид қилган ва бир мавсумда икки баравар қимматига сотиб, ғазнага мўмай даромад қўшиш имконига эга бўлиб турибди.

Дзаньоло харидорлар олидига боради

“Рома”нинг Конференциялар лигаси ярим финали Николо Дзаньоло фаолиятини ўзгартириб юбориши мумкин.

Жозе Моуриньо шогирдлари 28 апрелга белгиланган дастлабки учрашувда Англияда “Лестер Сити” меҳмони бўлади.

Маълумотларга қараганда, бу учрашувда Николо Ддазньолонинг ўйинини кўриш учун бир неча инглиз клублари скаутлари ушбу беллашувга ташриф буюриши кутилмоқда.

Calciomercato.com нашрининг хабар беришича, бўлажак беллашувда “Манчестер Юнайтед”, “Нькасл” ва “Тоттегхэм” ўз селекционерларини 22 ёшли ҳужумкор футболчи ҳаракатларини баҳолаш учун юбориши аниқ бўлган. Бундан ташқари, Николога А Сериядан “Ювентус” жиддий қизиқиш билдирмоқда. Туринликлар италиялик футболчи ёзда жамоани тарк этиши аниқ бўлиб улгурган аргентиналик юлдуз Пауло Дибаланинг ўрнини босишини истамоқда.

“Рома” раҳбарияти айни пайтга қадар Николо Дзаньолони янги битимга кўндира олмади. Ҳамкорлик яна икки мавсум давом этиши белгиланган бўлса-да, келишув янгиланмаган тақдирда клуб футболчини шу ёзда сотиб юборишга мажбур бўлади.

Римликлар бу ўйинчи трансферини 50 миллион еврога баҳоламоқда.

“Рома”га ёш ҳужумчи керак

“Рома” спорт директори Тьягу Пинто ёзда Франция чемпионати тўпурарларидан Уго Экитикени Римга олиб келиш учун курашмоқда.

“Реймс” жамоаси таркибида кўп гол ураётгани билан Европа грандлари эътиборини қозонган 19 ёшли франциялик ҳужумчининг ўзи ҳам кучли клублардан бирига ўтишга қарши эмас.

Экитикега истеъдодли ёшлар билан ишлашни биладиган “Боруссия” ҳам жиддий қизиқмоқда. Дортмундликлар бу ўйинчи яқин келажакда жамоанинг асосий тўпурари Эрлинг Холанд ўрнини босишига ишоняпти.

Шу боис, “Рома”га Экитикени трансфер қилиш осон бўлмайди. “Реймс” раҳбарияти вундеркинд трансферидан 20 миллион евро ишлаб олишни истаяпти.

Экитике жорий мавсумда барча турнирларда 24 маротаба майдонга тушиб, рақиблар дарвозасига ўнта гол урди ва жамоадошларига тўртта голли пас узатди.

Моуриньо битта қўнғироқ билан катта трансферни ҳал қилди!

Шомуродовсиз ҳам эплашди! Моуриньо яна нималар деди?

Шомуродов прессингни боплади, лекин...

“Рома” ҳужумчиси бўйича кутилмаган вазият юзага келди!

Моуриньо ўйнатмаётган ҳужумчига Испания грандидан таклиф бор

Премьер-лигада гол урган легионеримизга мағлубият жуда алам қилди!