Ҳимояга қайтиб ўйнаш керак! Кэррик шогирдининг танқидига кескин жавоб қайтарди

«Манчестер Юнайтед» бош мураббийи Майкл Кэррик «Комо»га қарши ўйиндан (1:4) кейин жамоа етакчиси Бруну Фернандешнинг танқидий руҳда айтган фикрларига муносабат билдирди.

Эслатиб ўтамиз, Чемпионлар лигаси умумий босқичи 3-турида сафарда қайд этилган мағлубиятдан сўнг португалиялик ярим ҳимоячи жамоа тактикаси ҳақида шундай деган эди: «Мураббийлар штаби индивидуал босим ўрнатмасликка, рақибга бўшлиқ қолдиришга қарор қилди. Лекин баъзи вазиятларда янада жасурроқ бўлиш, таваккалга қўл уриш керак».

Кэррик ушбу сўзларга жавоб қайтариб, иккинчи таймда тактик ёндашув ўзгарганини таъкидлади: «Иккинчи бўлимда биз қисман индивидуал прессингга ўтдик ва охир-оқибат гол ўтказиб юбордик. Қандай тактика танланишидан қатъи назар, ҳимояда ишни охиригача бажармасангиз, ғалаба қозона олмайсиз», – деди мураббий.