“Ньюкасл” ПСЖ юлдузларига кўз тика бошлади

Бирданига бадавлат клубга айланган “Ньюкасл”жамоани кучайтиришга қодир футболчилар рўйхатини бойитиб бормоқда.

“Ньюкасл” раҳбарияти жамоага ПСЖнинг аргентиналик ҳужумчиси Мауро Икардини олиб келмоқчи. Клубнинг янги хўжайинлари жамоа таркиби топ-даражаги ўйинчилар билан тўлдирилишини истамоқда.

Инглизлар Икардига тез орада таклиф билан чиқишни режалаштирган. Тажрибали ҳужумчи ҳам ПСЖда ўзи истаганчалик ўйин амалиётига эга бўлмаяпти ва Парижни тарк этишни ўйлаб юрибди.

Мауронинг парижликлар билан шартномаси 2024 йилнинг ёзигача давом этади. Унинг трансфери 35 миллион еврога баҳоланмоқда. Шундай бўлса-да, бу суммани тўлаш энди “Ньюкасл”га ҳеч қандай қийинчилик туғдирмайди.