O‘zbekiston terma jamoasi darvozaboni legionerga aylandi (foto)

“Lokomotiv” va O‘zbekiston futzal terma jamoasi darvozaboni Ravshan Eliboev faoliyatini Qozog‘istonda davom ettirishi haqida xabar bergan edik.

Joriy mavsum mamlakat chempionatida 3-o‘rinni egallab turgan “Kaspiy” jamoasi hamyurtimizni o‘z safiga qo‘shib olganligini e’lon qildi. Eliboev yangi klubi safida 87-raqam ostida to‘p tepadigan bo‘ldi.

Qayd etish joiz, Eliboev darvozabon bo‘lishiga qaramasdan “Lokomotiv” safida ushbu mavsum 3 bor raqiblari darvozasini ishg‘ol qilishga erishdi.