Rafinya: “Biz yanada kuchliroq bo‘lib qaytamiz”

"Barselona" Chempionlar ligasi yarim finalida "Inter"ga qarshi mag‘lub bo‘lib, turnirni tark etgandan so‘ng jamoaning etakchi futbolchilaridan biri hisoblangan Rafinya o‘yin haqida o‘z fikrlari bilan o‘rtoqlashib, muxlislarga murojaat qildi.

– Biz yanada kuchliroq bo‘lib qaytamiz. Barchaga qo‘llab-quvvatlov uchun rahmat, biz hali ham birgamiz. Mavsum hali tugagani yo‘q.

Har kuni bu ranglarni yanada katta faxr bilan kiyyapman, bu jamoam bilan faxrlanaman. “Barsa”ga shon-sharaf, – deb yozdi Rafinya ijtimoiy tarmoqda.

Hozirda “Barselona” La Liganing peshqadami sanaladi. Jamoa “Real”dan 4 ochko oldinda va finishgacha 4 tur qolgan.