Суперлига. "Пахтакор" йирик ҳисобда, "Бунёдкор" қийин ғалабага эришди

Ўзбекистон Суперлигаси 17-тури доирасидаги бугун бўлиб ўтиши режалаштирилган учрашувлар якунланди. "Металлург" майдонига сафар қилган "Пахтакор" 3:0 ҳисобида ғалаба қозонди.

Дастлаб, Черан ҳисобни очган бўлса, Азиз Турғунбоев ҳамда Боян Матич бир маротабадан ўз исмини таблога ёздириб қўйишга муваффақ бўлди.

Ушбу ғалаба натижасида "шерлар" очколари сонини 47 тага етказиб олган ҳолда, пешқадамликни 17 очкогача мустаҳкамлади. "Металлург" 16 очко билан 11-поғонада жойлашган.

Шунингдек, "Қўқон-1912"ни қабул қилган "Бунёдкор" 2:1 ҳисобидаги ғалабани тантана қилди.

"Қалдирғочлар"нинг голлари Лутфулла Тўраев ва Даврон Эргашев томонидан киритилди, бунга меҳмонлар сафида Иван Йосович бир бор жавоб қайтарди.

Қийин ғалабага эришган "Бунёдкор" 28 очко билан 4-ўринга кўтарилди. 9-поғонадаги қўқонликлар 20 очко жамғарган.

• Суперлига
• 17-тур

Бунёдкор

• Лутфулла Тўраев 26'
• Давронжон Эргашев 28'

2 : 1

10/09/2021 19:00

Қўқон-1912

• Иван Йосович 43'

Стадион: "Бунёдкор" стадиони

Бош ҳакам: Фирдавс Норсафаров

Батафсил

• Суперлига
• 17-тур

Металлург

0 : 3

10/09/2021 19:00

Пахтакор

• Драган Черан 29'
• Азизбек Турғунбоев 32'
• Боян Матич 71'

Стадион: "Металлург" стадиони

Бош ҳакам: Виктор Серазитдинов

Батафсил