Виктор Кумиков:

Coca-Cola Суперлига 25-туридан ўрин олган “Андижон” – “Навбаҳор” (1:2) учрашувидан кейинги матбуот анжуманининг иккинчи қисмида мезбон жамоа бош мураббийи Виктор Кумиков ўйин ҳақидаги фикрларини билдирди.

- Бугунги ўйинда хато қилишга ҳаққимиз йўқ эди. Ҳимояни мустаҳкам ушлаган ҳолда, ҳужумда имкониятлар юзага келишини кутишимиз, рақибга босим уюштиришимиз керак эди. Мудофаа чизиғидаги ягона хато ва бир футболчимизнинг четлатилиши ўйин тақдирини ҳал қилди.

- Ўйиндан олдин рақиб қай даражада ўрганилганди?

- Барча рақибларни ўрганамиз. Ижрочилик маҳорати ҳам керак, фақатгина рақибни ўрганишнинг ўзи етарли эмас. Умуман олганда, ўша бурчак зарбаси ижро этилган паллада адашмаганимизда, вазият бошқача тус олиши ҳам мумкин эди. Бир ҳимоячимиз тўпни ўтказиб юборди, бири эса рақибини кўздан қочирди. Бу эса ўйин тақдирига таъсир кўрсатди. Кейинчалик фақат дурангга имконият бўлди, аммо четлатишдан кейин вазиятни янада чигаллаштирди. Аслини олганда, футболчиларимиз кутилганидек ўйин кўрсата олишмади, дербида, “Навбаҳор”га қарши учрашувда агрессивликни ошириш талаб этиларди. Лекин кўрганингиздек, керакли даражада ўйин кўрсата олмадик. Ўйин учун тузган режаларимизда футболчиларга айтган нарсаларимизни майдонда бажара олмадик.

“Навбаҳор” ПФК матбуот хизмати.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар