Европалик икки метрли ҳужумчи: Афсус, ўзбек легионерлари билан ўйнамаганман!

Қозоғистон Премьер-лигасида “Елимай” клуби шарафини ҳимоя қилган сербиялик ҳужумчи Фейсал Мулич  ASnews.kz сайтига берган интервьюсида ўзбек футболчилари ва миллий чемпионат ҳақида фикр билдирди.

Гап шундаки, жорий мавсумда икки легионеримиз – Асилбек Абдурасулов ва Бектемир Абдуманнонов қўшни мамлакат чемпионатида “Астана” ва “Окжетпес” клубларида фаолият юритмоқда.

Фейсал Мулич икки футболчимиз - Бектемир Абдуманнонов ва Асилбек Абдурасуловнинг Қозоғистон клубларига ўтишига муносабат билдириб, Ўзбекистон чемпионатининг ўзига хос жиҳатлари ҳақида ҳам гапирди.

- Афсуски, мен на Асилбек, на Бектемир билан ўйнамаганман, аммо ишонинг: Ўзбекистон чемпионати ҳазил эмас. Бу ерда қаттиқ услуб бор, унда сен катта ҳажмда югуришинг ва тўп учун курашишинг керак.

Шунинг учун бу икки легионерда Қозоғистонда муаммо бўлмаслиги керак. Худо хоҳласа, ўзларини кўрсатишади, - деди 31 ёшли Мулич.

Таъкидлаш жоизки, бўйи икки метрдан ошадиган Фейсал Мулич профессионал фаолиятини Германиянинг “Мюнхен 1860” клубида бошлаган. Кейинчалик Бельгия, Исроил, Словения, Босния ва Герцеговина, Жанубий Корея, Қозоғистон ва Таиланд клубларида давом этирди.

2026 йилнинг бошида тажрибали ҳужумчи Жиззахнинг “Сўғдиёна” клуби билан бир йиллик битим имзолади. Жорий мавсумда Мулич еттита учрашувда майдонга тушиб, ўз ҳисобига учта гол ёздириб қўйди.

Эслатиб ўтамиз, аслида “Бунёдкор” клуби тарбияланувчиси бўлган 18 ёшли Асилбек Абдурасулов жорий йилнинг февраль ойида “Ғазалкент”га трансфер қилинган эди. Асилбек Ўзбекистон ёшлар терма жамоаси сафида икки ўйинда майдонга тушган.

Иқтидорли ҳужумкор футболчини Қозоғистоннинг кучли клубларидан “Астана” мавсум охирига қадар ижаарга олди.

23 ёшли Бектемир Абдуманнонов эса Самарқанднинг “Динамо” жамоасидан “Окжетпес”га  ижарага ўтди. Бектемир Тошкентнинг “Пахтакор” клуби тарбияланувчиси ҳисобланади. Ўзбекистон чемпионатида 93 та ўйин ўтказиб, 14 та гол урган ва 19 та голли узатма берган. “Андижон” таркибида Ўзбекистон кубоги соҳиби бўлган.

Ҳар икки легионеримиз ўз жамоалари сафида Қозоғистон Премьер-лигасида дебютини ўтказиб бўлди ва ўйинларда қатнаша бошлади.

Қозоғистон сайти Ҳусанов ҳақида қаттиқ ёзди

Ҳусановни афсонавий ҳимоячига тенглаштиришди

АҚШ Ҳусановдан ҳайратда!

“Сити” чемпионлик курашига қайтган тўқнашувда Ҳусановнинг ўйин қандай баҳоланди?

Ҳусановга ишонаётган мураббий мундиалда қайси терма жамоа ютишини айтди

Шомуродов икки гол билан курашга қайтди! Тўпурарлар пойгасида вазият қандай?

Ўзбекистон: Бу галги рақиб Аргентина ва Бразилияни қўрқитган жамоа!