Халқаро Паралимпия қўмитаси президенти Эндрю Парсонс Ўзбекистонга келди

Аввал хабар берганимиздек, Халқаро Паралимпия қўмитаси президенти Эндрю Парсонс Ўзбекистон Миллий паралимпия қўмитаси раиси Мухторхон Ташходжаевнинг таклифига биноан юртимизга ташриф буюрди.

Мартабали меҳмонни Ислом Каримов номидаги Тошкент халқаро аеропортида Ўзбекистон Миллий паралимпия қўмитаси раиси Мухторхон Ташходжаев, Ўзбекистон Республикаси Туризм ва спорт вазири ўринбосари Аваз Каримов, Ўзбекистон Миллий Олимпия қўмитаси бош котиби Ойбек Қосимов ва кўплаб оммавий ахборот воситалари ходимлари тантанали кутиб олди. Ўз навбатида Эндрю Парсонс ҳам Ўзбекистонга илк ташрифи бу қадар илиқ бошланганидан мамнун эканини билдирди.

Эслатиб ўтамиз, Халқаро Паралимпия қўмитаси президентининг юртимизга расмий ташрифи 2 октябрга қадар давом этади.

Матнда хатолик топсангиз, ўша хатони белгилаб, бизга жўнатинг (Ctrl + Enter)