Трансферлар учун миллионларни сарф этган 10 та жамоа

31 март,2017, 23:37 685

Трансферлар учун миллионларни сарф этган 10 та жамоа

Бугунги кунда аксарият ўз олдига юқори мақсадларни қўйган жамоалар таркибларини кучайтириш учун катта ҳаридларни амалга ошириши оддий ҳолга айланиб улгурди. Биз эса сўнгги 6 йилликда(2010-йил январидан эътиборан) ушбу мақсадалрда энг кўп пул сарф этган 10 та жамоа билан сизларни таништириб ўтамиз.

Терма жамоада соврин юта олмаган 10 юлдуз

“Реал” академиясидан ҳам кучли футболчилар чиқади

Ишсиз юрган топ мураббийлар

10. “Интер” – 524 млн евро

“Интер” учун энг яхши трансфер компаниясини Жозе Моуриньо олиб борган эди. Бу ҳол 2009-йилнинг ёзига тўғри келади. Ўшанда “беъназир” жамоага Лусио, Снейдер, Милито ва Это`oлар учун бор-йўғи 67 млн евро сарф этган этган ва ЕЧЛда зафар қучган эди. Шундан сўнг “нердзуррилар” у қадар катта ҳаридларга берилишмади. Фақат 2015-йилда Раноккиянинг 18,5 млн евро эвазига ҳариқ қилингани бундан мустасно. Шунингдек, Ханданович, Гуарин, Ковачич, Паласиу ва Алваро Перейралар ҳарид қилинди. Бироқ, улар муҳлислар кутган ўйинни кўрсата билшмади. Ушбу ёзда эса Жоау Мариу учун жамоа 40, Габриэл учун эса 29,5 млн евро сарф этди.

>>“Тиллари бийрон” Пикедан ўзига хос иқтибослар

9. “Рома” – 542 млн евро

Рим жамоаси ҳам трансфер бозорида анча фаол эканини кузатиш мумкин. Бироқ уларнинг трансфер сиёсати кўп ҳам ўзини оқлайвермайди. “Бўрилар”нинг энг қимматбаҳо ҳариди бу Хуан Итурбедир. Клуб унинг учун 24,5 млн еврони тўлаган. Ўтган ёзда эса Салах, Эл Шарави, Жеко ва Герсонлар жамоага олиб келинди ва ўзини “кўрсата бошлади”.

>>Жанубий Корея клубларида тўп сурган ўзбек футболчилари

8. “Ювентус” – 625 млн евро

“Юве” ушбу сумманинг 100 “лимон”ини 2011/12, 73 млн еврони кейинги трансфер бозорида сарф этди. Энг катта ҳарид бу Гонсало Игуаиндир. “Кекса синьора” аргентиналик ҳужумчини жамоага олиб келиш учун 90 млн евродан воз кечди.

>>Футболдаги абадий дўстлар

7. “Реал” – 654 млн евро

Кўпчилик “Қироллик клуби”нинг катта ҳаридларига ўрганиб қолган эди. Бироқ ушбу ёзда Зидан бу каби трансферларга эҳтиёж сезмади. Бейл, Хамеснинг трансферлари Мадрид клуби учун анча қимматга тушди. Қолган аксарият келишувларнинг нарҳлари эса 30 млндан ошмайди.

>>Аҳмедов Ирисметовни қувиб ўтди ёхуд Ўзбекистон терма жамоаси тарихидаги энг яхши тўпурарлар

6. “Ливерпуль” – 672 млн евро

Мамаду Сако учун 58, Балотелли учун 20, Маркович учун 25, Бентеке учун эса 46,5 млн евро. Бу футболчилар ўзлари учун сарф этилган пулларни оқлади дейишга тилимиз бормайди. Бу мавсум аввалида эса Клопп 40 млн еврога Манени ҳарид қилганини таькидлаш жоиз.

>>Баҳодир Пардаевнинг янги жамоаси ҳақида нималарни биласиз?

5. “Барселона” – 689 млн евро

Каталония жамоасининг бундай катта “хирмони”нинг бош сабабчилари қуйидаги 3 футболчилардир: Ибрагимович(69,5 млн), Неймар(88,2 млн), Суарес(81,72 млн евро).

>>Бу ўйинни албатта томоша қилинг, сабаби…

4. “ПСЖ” – 765 млн евро

2011-йилга қадар Париж клуби трансферлар учун АПЛнинг энг “аутсайдер” жамоалариданда кам пул сарф этар эди. Бироқ жамоа бошқарувига янги одамларнинг келиши жамоани 180 даражага ўзгартириб юборди. Давид Луиз учун салкам 50, Пасторени 42 млн евро эвазига сотиб олган “Парк де Пренс” эгалари бу мавсум аввалида Унаи Эмери бошчилигида 76,3 млн евро сарф этишди. Шулардан деярли 60 млни Криховяк ва Хесе учун сарф этилди. Қизиғи ушбу футболчиларнинг ҳар иккиси ҳам асосий таркибдан жой ололмадию Қишда эса парижликлар Дракслерни сотиб олишди..

3. “Манчестер Юнайтед” – 853 млн евро

“Юнайтед” трансфер бозорини ушбу мавсум бошида “портлатиб юборди”. 105 млн евро эвазига Погба ҳарид қилинди ва франциялик иқтидор эгаси энг қимматбаҳо футболчи сифатида барча рекордларни янгилаб чиқди. Бундан ташқари “қизил иблислар” Ди Мария, Марсияль, Де Хеа ва Ван Персилар учун ҳам озмунча пул тўламаган.

2.”Челси” – 883 млн евро

“Челси” ҳам ҳар мавсум ҳудди “Реал” сингари катта ҳаридларни амалга оширишига ўрганиб қолганмиз. Давид Луиз,Торрес, Азар, Коста… Бу рўйҳатни ҳали узоқ давом эттиришимиз мумкин.

1. “Манчестер Сити” 1,075 млрд евро

Ҳа, “шаҳарликлар” томонидан сўнгги 14 трансфер бозорида амалга оширилган ҳаридларнинг умумий қиймати миллиард евродан ошди. Бу пулларнининг аксарияти ўзини оқламаган трансферларга сарф этилганини алоҳида эътироф этмасак бўлмайди.

Тавсия этамиз: 

Шаҳзод Холбоев тайёрлади