Анчелотти: “Салоҳ? Бу бизга ажойиб мотивация бўлади”

Ҳафта сўнгида Чемпионлар лигасининг финал ўйини бўлиб ўтади. Унда "Реал" ва "Ливерпуль" жамоалари тўқнаш келади.

"Қироллик клуби" устози Карло Анчелотти ушбу учрашув олдидан “қизиллар” ҳужумчиси Муҳаммад Салоҳ ҳақида гапирди. “Салоҳнинг қасос олиш ҳақидаги сўзлари? Бу биз учун ажойиб мотивация бўлади.

Аммо 1981 йилда “Реал” “Ливерпуль”га мағлуб бўлганини эслатиб ўтмоқчиман. Шунинг учун бизда ҳам улардан ўч олиш истаги бор. "Реал Мадрид" рақибни ҳурмат қилади. Улар ҳақиқатан ҳам кучли жамоа.

Лекин биз Ла Лига чемпионлигини қўлга киритдик ва финалга ажойиб кайфиятда бормоқдамиз”, - дея мураббийнинг сўзларини келтиради “Маrcа”.

Эслатиб ўтамиз, "Реал Мадрид" - "Ливерпуль" учрашуви 28 май куни Франция пойтахтида бўлиб ўтади.