Тимур Кападзе: Гол ўтказиб юбормаганимиз ортида жамоавий меҳнат ётипти
Ўзбекистон U23 терма жамоаси бош мураббийи Тимур Кападзе Саудия Арабистони устидан қозонилган ғалабадан кейин матбуот анжуманида иштирок этди.
– Барчани бугунги натижа билан табриклайман. Қийин учрашувда ғалаба қозондик. Футболчиларимиз ҳам яхши ўйин намойиш этишди. Эндиликда мақсадимиз йўлида турган олдиндаги ўйинларга тайёргарлик кўришимиз керак.
Ўйинга эмоционал тайёргарлик ҳақида:
– Ўйинга қадар футболчилар билан бу томонлама ҳам гаплашдик ва тайёргарлик кўрдик. Бу футбол, ўйин давомида ҳар хил вазият бўлади. Бугунги ўйин давомида ҳам вазиятларда совуққон ва оғир босиқлик намойиш эта олдик, деб ўйлайман.
Индонезияга қарши кечадиган кейинги ўйин ҳақида:
– Биз бор эътиборимизни бугунги ўйинга қарагандик. Лекин Индонезиянинг ҳам ўйинини кўрдик. Кучли жамоа, Кореяни турнирдан чиқариб юбориб, ўз имкониятларини намойиш этишди. Биз эндиликда ярим финал ўйинига тайёргарликни бошлаймиз.
Гол ўтказиб юбормаслик ҳақида:
– Бу албатта жамоавий меҳнат. Ҳимояланиш ҳужумчилардан бошланади. Шу сабабли, гол ўтказиб юбормаганимиз ортида жамоавий меҳнат ётипти.
Фикрлар
Мамлакатимизни дунёга танитишда, қандай виждон билан, қандай Ватанпарварлик рухи билан, Халқумимиз учун эмас, халқимиз учун меҳнат қилишни, мамлакатимиз халқ хўжалигининг турли тармоқларида "ишлайдиган" амакиларингга кўрсатиб қўйиб, намуна бўлинглар! Рахмат!!!