17 ёшли "юлдузча" ватанида керак бўлиб қолди

“Челси” раҳбарияти ёзда “Боруссия” билан шартнома имзолаган Жуд Беллингемни қишки трансферлар мавсумида Англияга қайтармоқчи.

17 ёшли футболчи дортмундликлар сафига 25 миллион фунт эвазига “Бирмингем”дан трансфер қилинганди. Лондонликлар “Боруссия”га бундан кўп пул таклиф қилишга тайёр.

“Челси” бош мураббийи Фрэнк Лэмпардга Беллингемнинг универсаллиги маъқул келмоқда. У ярим ҳимоянинг таянч зонасидан ташқари, ҳужумчи ортида ҳам ўйнай олади. Жуд ҳали ёшлигини инобатга олиб, у билан узоқ муддатли шартнома тузиш режалаштирилмоқда.

Беллингем Англия терма жамоасига номзод футболчилар қаторига киритилган.