“Barselona” Madrid superklubi bilan bir o‘yinchini talashyapti

Ispaniyaning amaldagi chempioni “Barselona” chempionatdagi raqibi – Madridning “Atletiko” klubi bilan “Bornmut”ning 28 yoshli markaziy himoyachisi Markos Senesini qo‘lga kiritish bo‘yicha ham raqobatlashmoqda.

Bu haqda TEAMtalk xabar bermoqda.

Manbaning ma’lumotiga ko‘ra, har ikki klub ham argentinalik futbolchining potentsial transferi bo‘yicha allaqachon aloqaga chiqqan.

Senesining amaldagi shartnomasi joriy mavsum oxirida yakunlanishi va tajribali himoyachini erkin agent sifatida bepul transfer qilish imkoniyati bir necha klublar e’tiborini jalb qilyapti.

“Bornmut” rahbariyati Senesining joriy mavsum yakunida jamoani tark etishini to‘g‘ri qabul qilgan, chunki u mehnat shartnomasini uzaytirish bo‘yicha bir nechta takliflarni rad etdi.

Joriy mavsumda himoyachi barcha turnirlarda 17 ta o‘yinda ishtirok etib, uchta golli uzatmani amalga oshirdi. Transfermarkt portalida taqdim etilgan ma’lumotlarga ko‘ra, futbolchining bozor qiymati 22 million evroni tashkil etadi.