Беллингем Англия терма жамоаси лагерини тарк этди

"Реал" аъзоси Жуд Беллингем Англия терма жамоасига чақирув олганди. Аммо футболчи Мадридга қайтишига тўғри келди. Бу ҳақда "шерлар" ижтимоий тармоқ орқали хабар берди. 

Маълум бўлишича, ярим ҳимоячи жароҳатдан тўлиқ тузалмаган ва Испанияга қайтиб, даволаниши керак бўлган. Беллингем "Брага"га қарши ўйин олдидан сафдан чиққанди. У ФИФА кунларидан кейин майдонга қайтиши кутилмоқда. 

Беллингемдан ташқари "Челси" ҳимоячиси Леви Колуилл ҳам жароҳат сабаб терма жамоа лагерини тарк этган.