![](/img/placeholder.png)
Ўзбекистон - энг юқори савиядаги терма жамоа!
Латвиянинг Рига шаҳрида бокс бўйича "Riga Open - 2016" халқаро турнирида дунёнинг ўндан зиёд мамлакатидан 150 нафарга яқин боксчи ғолиблик учун курашмоқда. Ушбу мусобақа Европада узоқ йиллардан буён давом этиб келаётган турнирдир. Бу гал 67-маротаба ўтказилмоқда.
Мусобақада Сирожиддин Ғуломжонов, Абдулҳай Шораҳматов, Элнур Абдураимов, Маҳмуд Ғоипов, Баҳодир Жалолов мамлакатимиз шарафини ҳимоя қилаётир.
Мусобақа ташкилотчиси - Латвия бокс федерацияси президенти Нил Журавлёв Ўзбекистон терма жамоасини ушбу нуфузли турнирнинг кўрки деб атади.
![](http://admin.sports.uz/fileman/Uploads/ZOHIR/15380413_1024841924327671_102064.jpg)
- Турнир қатнашчиларининг барчаси кучли таркибга эга, - деди Нил Журавлёв. - Лекин Ўзбекистон энг юқори савияли жамоа. Рио Олимпиадасида ўзбеклар еттита медаль жамғарди. Уч боксчи чемпион бўлди. Улар Риода энг зўр эканликларини исботлашди. Ўзбекистонлик чарм қўлқоп усталарининг "Riga Open - 2016"да қатнашиши турниримизнинг нуфузини янада кўтаради.
![](http://admin.sports.uz/fileman/Uploads/ZOHIR/15390835_1024842950994235_681698.jpg)
Дарҳақиқат, Ўзбекистон терма жамоаси аъзоларидан Сирожиддин Ғуломжонов, Элнур Абдураимов ва Маҳмуд Ғоипов дастлабки жангларинида зафар қучди.
Фикрлар