Сэм Алви: "Хабиб яхши рекордга эга бўлиш учун атайин заиф рақибларга қарши курашган"

Аралаш курашларнинг собиқ жангчиси Сэм Алви ММА юлдузи Хабиб Нурмагомедовни танқид қилди.

“Хабибни тарихдаги энг яхши жангчилардан бири, деб аташади. У фаолияти давомида бирор марта мағлуб бўлмаган - 29 та баҳснинг барчасида ғалаба қозонган. У Жастин Гэтжи, Дастин Порье ва бошқа кучли жангчиларни енган. Лекин масаланинг бошқа томони ҳам бор. Фаолиятининг бошида Хабиб яхши рекордга эга бўлиш учун атайин заиф рақибларга қарши курашган" - деди Алви "Crain & Company" подкастида.

Эслатиб ўтамиз, Нурмагомедовнинг сўнгги жангида америкалик Жастин Гэтжини иккинчи раундда сабмишн орқали таслим этганди.